【2.5厘活期】螞蟻金服旗下「Ant Bank 螞蟻銀行」正式開業

又一間虛擬銀行開業啦!今次係螞蟻金服旗下嘅「螞蟻銀行」,暫時未見到有特別嘅早鳥優惠,只係頭 $20,000 活期存款有 2.5% 年利率,比 airstar 天星銀行嘅 3.6 厘仲要少啊! LookerSan 會建議大家遲 D 先開戶!遲 D 當螞蟻銀行同 Alipay 駁埋好大機會有更多著數! Ant Bank 螞蟻銀行「存款寶」 2.5% 活期存款 嗯…點講呢,其實都冇乜好寫,因為真係著數唔多。 值得留意嘅係,成功開戶後你會有一個活期存款戶口,呢個戶口本身年利率只得 0.001%。 開戶之後要喺 app 入邊另外開一個叫「存款寶」嘅戶口,同樣都係活期,但就每日派息,而且年利率高好多: 存款結餘 (港元) 年利率 $1 – $20,000 2.5% $20,001 – $500,000 1% $500,001 或以上 0.001% 放 $20,000 入去「存款寶」每月大概有 $41.1 利息,好過冇啦!有閒錢咪放 D 入去囉。 Ant Bank 螞蟻銀行開戶教學

【滙豐逆襲虛銀】HSBC One早鳥開戶享兩個月10釐息

呢頭渣打牽頭嘅 Mox Bank 開業,另一邊廂作為龍頭嘅 HSBC 終於出擊啦! HSBC One (滙豐One) 將於 2020-10-27 強勢登場,同時會取締 HSBC Advance (滙豐運籌理財),由 11 月起更會取消共 26 項基本服務收費! 問心其實至今開左咁多間虛擬銀行,除左開業優惠之外,LookerSan 睇唔到之後有咩原因要繼續用落去…相信滙豐都冇特別擔心會受到挑戰,事關佢地絕對有充足資源做一個用戶體驗更好的 app,而只要滙豐將大部份手續費取消,其他虛擬銀行基本上係冇任何 niche! HSBC One (滙豐One) 早鳥開戶優惠享兩個月10厘息 如果你同 LookerSan 一樣,本身無冇 HSBC 卓越理財及 / 運籌理財 / 個人綜合理財戶口,呢個優惠先有你份! 首 10,000 名合資格 HSBC One 新客戶成功開戶後,可享 10% 年利率兩個月,資金上限 $50,000,即係總共賺到 $833.33 利息! 記得要 9 月內登記先可以用到呢個優惠! 頭盔位: 早鳥獎賞登記日期:2020-09-16 至 2020-09-30 登記網址Continue reading “【滙豐逆襲虛銀】HSBC One早鳥開戶享兩個月10釐息”

【渣打虛銀】Mox Bank開業 每日賺1釐息 始創會員金屬黑卡消費高達 5% 回贈

LookerSan 終於開到 Mox Bank 戶口啦!如果你係首 3,000 名登記人士,或者於 2020-05-04 至 2020-06-30 期間喺 Mox Bank 網站登記成為早鳥,呢排應該陸續就會收到佢地 email 叫你開戶! 衰在就冇任何推薦優惠,一定要收到電郵通知先可以開戶。坦白講如果同其他虛擬銀行比較,其實 Mox Bank 開業優惠著數唔算多,叫做有 1% 活期年利率兼每日派息,同埋碌佢張 Mox Card 扣賬卡喺少部份大型商戶有 5% 現金回贈,其他商戶就有無上限 1% 回贈。 Mox Bank 簡介 Mox 是由渣打銀行全力策動的虛擬銀行,聯同領導本港電訊及消閒娛樂服務的電訊盈科、香港電訊,以及亞洲最大線上旅遊服務供應商 Trip.com 攜手建立。Mox 提供一站式個人銀行服務與各種生活優惠,助你建立財富,開拓你的世界和可能性。 Mox 官方網站 Mox Bank 開業優惠 – Mox Card 扣賬卡銷費高達 5% 現金回贈 記住 Mox Card 係一張 Debit Card (扣賬卡),所以收到卡後,記得要Continue reading “【渣打虛銀】Mox Bank開業 每日賺1釐息 始創會員金屬黑卡消費高達 5% 回贈”

【ZA Bank每星期抽獎】入$1蚊🐔贏高達$5,000

ZA Bank 眾安銀行迎新優惠喺 7 月已經完左,事隔半個月佢地又搞緊個抽獎活動!由 2020-08-18 至 2020-09-30 嘅每一個星期 (由逄星期二至星期一計),只要你用佢「入錢易」由其他銀行戶口過 $1 蚊雞去 ZA 戶口,就可以參加抽獎赢高達 $5,000 現金獎! ZA Bank 眾安銀行「入錢易 中獎更易」活動詳情 ZA Bank「入錢易」嘅原理就係喺 ZA 入邊綁定其他銀行賬戶,然後直接喺 ZA app 入邊由其他銀行過數入你 ZA 戶口。簡單講就係只要開 ZA 一個 app,唔需要開另一間銀行個 app,就可以轉賬入去 ZA! ZA Bank 官方網誌已經有「入錢易」設定教學,LookerSan 喺呢度唔多講啦。 抽獎會每星期進行一次,只要你果個星期有用「入錢易」過 $1 蚊雞入去 ZA 戶口,就會自動參加抽獎。 每星期會有 101 名得獎者,大獎一名可得 $5,000,其餘 100 人可得每人 $100,都唔錯啊! 頭盔位總結: 要 2020-08-18 或之前開左戶 (即係2020-08-19Continue reading “【ZA Bank每星期抽獎】入$1蚊🐔贏高達$5,000”

【livi Bank 邀請碼:wi6zmhcl】經推薦開戶即送你$100,銀聯二維碼消費後再送隨機獎金

第二水虛擬銀行又開多間啦!今次呢間係 livi Bank,LookerSan 有幸收到佢地既邀請碼搶先成為第一批客戶。到底今次又有咩早鳥優惠呢? 非常簡單,2020-10-31 或之前經 LookerSan 推薦成功開戶即送你現兜兜 $100,暫時冇其他存款優惠! 下載 livi Bank app: Android / iOS 開戶時記得輸入以下邀請碼 (會不時換 code!!): 申請開戶大約要等一至兩日,之後再用佢個 app 嘟銀聯 QR Code 買野,shake 一 shake 部手機就可以得到隨機獎金! 至於其他虛擬銀行,PAObank 試業期間活期存款做緊 8.8%,真係早鳥多著數啊! livi Bank 迎新即送 $100,推薦朋友每位再送 $100 首先下載返 livi Bank app,開戶過程同其他 virtual banks 都大同小異,都係填個人資料同 scan 身份證,記得開戶果陣用 LookerSan 上邊個邀請碼! 兩日內就會批核,$100 迎新會即時存入你戶口!然後你推薦每位朋友成功開戶就會再送你 $100,上限送 $1,000,即係最多推薦 10 個就爆! 頭盔位: 迎新及推薦推廣期至 2020-10-31 迎新送 $100Continue reading “【livi Bank 邀請碼:wi6zmhcl】經推薦開戶即送你$100,銀聯二維碼消費後再送隨機獎金”

【24/8前開戶】PAObank活期存款8.8%年利率,留言分享即攞登記連結

PAObank 8.8% 活期優惠已完結! 話說 PAOB 即係平安壹賬通銀行 (佢地個 logo 寫住 PAObank 但網頁就自稱 PAOB),佢地 6 月已經開始試業,但就只有員工同員工親友先有份玩。LookerSan 好好彩地問朋友攞到條登記 link,8 月頭已成功開戶! 當時都未諗過會寫文章,開戶過程一幅圖都冇 cap 低!其實間間 virtual bank 開戶都係填個人資料、scan 身份證,然後等一日左右就批核成功,所以其實都好簡單。 2020-08-24 或之前成功開戶,活期存款可享 8.8% 年利率,資金上限 $88,000,利率優惠期至 9 月 30 日就完! 開心 share:存款利息計算表 LookerSan 平時都有玩開定期,慣例一定會放曬入 Google Spreadsheet 做好記錄,順便回味自己到底賺左幾多利息哈哈哈哈! 等我開心 share 畀大家抄返去做好理財! https://docs.google.com/spreadsheets/d/1xuan22cz7Z5zKKwDtFSzCKTAoUUStgKekWvYoJXtOoA/edit?usp=sharing PAOB「優易賞」8.8% 港元存款年利率優惠 POAB 呢個「優易賞」絕對係咁多間虛擬銀行最最最最正既開張優惠,2020-08-24 或之前開戶,就有 1% (基本利率) + 7.8% (優惠利率) =Continue reading “【24/8前開戶】PAObank活期存款8.8%年利率,留言分享即攞登記連結”

【早鳥多著數】活期存款利率高達8.8%—各大虛擬銀行存款優惠比較

2020 雖然係艱難既一年,但香港虛擬銀行百花齊放,佢地為左吸客都一定會有大大小小的早鳥 offer,所以真係越早開戶越好!聽落好似係常識,不過 airstar 天星銀行就調返轉,佢地 8 月頭先將推薦計劃加碼,每介紹一個朋友開戶就送 $200! 間間虛擬銀行既存款優惠都唔同,頭盔又各有千秋XD,LookerSan 決定整理清楚一次過等大家睇清楚! 如果你已經錯過左 WeLab Bank 4.5% GoSave 同埋 ZA Bank 3.3% 定期存款優惠,都唔緊要架,其他虛擬銀行都仲有好多優惠: 之後其他 virtual banks 開業記得留意返 LookerSan FB page 既更新啦! 開心 share:存款利息計算表 LookerSan 平時都有玩開定期,慣例一定會放晒入 Google Spreadsheet 做好記錄,順便回味自己到底賺左幾多利息哈哈哈哈! 等我開心 share 畀大家抄返去做好理財! https://docs.google.com/spreadsheets/d/1xuan22cz7Z5zKKwDtFSzCKTAoUUStgKekWvYoJXtOoA/edit?usp=sharing 各大虛擬銀行活期存款比較 基本上除左 WeLab Bank 外,所有虛擬銀行都有活期存款優惠,其中 PAOB 做到 $88,000 有 8.8%! 都咪話唔癲,可惜係獲邀請人士先可以開戶! 基本利率及優惠利率比較 虛擬銀行 最高年利率 備註 airstar天星銀行Continue reading “【早鳥多著數】活期存款利率高達8.8%—各大虛擬銀行存款優惠比較”

airstar天星銀行3.6%活期存款利率,介紹朋友無上限賺$200

LookerSan 獨家優惠!!31/8 或之前經推薦開戶即送 $50 超市禮券,詳情請到 FB 查詢! 常識話俾我地知,優惠呢家野一向都係早鳥有著數,就好似眾安銀行 ZA Bank 咁,佢個推薦朋友每位即賺 $200 喺 31/7 已經完左啦! airstar 天星銀行居然就調返轉,佢 6 月初初推出時個推薦計劃一直都冇乜睇頭,好在佢地終於發現問題喺邊度,由即日起至 2020-08-31,每成功介紹一位朋友開戶,即送你 $200 現金回贈,回贈仲要無上限,終於同 ZA Bank 睇齊!LookerSan 晨早已經推薦左兩個朋友成功開戶,好在打去嘈都 R 得返 $400 hahahaha! 仲未開戶?即刻去 FB PM LookerSan 教你開!記住天星銀行係冇推薦優惠碼呢樣野,所以開戶前一定要做啱動作,唔係就冇 so 架啦! 如已成功開戶,請睇以下推薦計劃玩法。另外本文最底有晒所有頭盔總結。 airstar 天星銀行 3.6% 活期存款 呢間虛擬銀行最大既賣點係,由成功開戶當日起至 2021-06-10 期間,活期存款可享 3.6% 年利率!你冇睇錯,係活期啊,但當然又係會有頭盔啦,可以享有 3.6% 年利率既資金上限係 $20,000,超出黎既錢就得返基本利率。 存款結餘 (港元) 年利率 $1 –Continue reading “airstar天星銀行3.6%活期存款利率,介紹朋友無上限賺$200”