由 2020-10-01 起，信用卡增值 PayMe 嘅每月限額由原本 $2,000 變做得返 $1,000…
相信大家對 PayMe 都好熟悉，所以本文主要都係教大家用邊張信用卡 chok 現金回贈最抵！
「PayMe 信用卡增值大法」分為兩式：
- 第一式「碌卡賺現金回贈」：每個月頭，喺 PayMe 用信用卡增值 $1,000
- 第二式「碌卡套現賺利息」：然後跟手由 PayMe 轉賬 $1,000 落自己銀行戶口
好處：
- 用信用卡增值 PayMe 有高達 1.5% 現金回贈
- 碌卡變現 –> 變相每月套現 $1,000 大元，可以放去其他銀行錢滾錢收息
以下會有「PayMe 信用卡增值大法」詳細教學！
PayMe信用卡增值大法—第一式「碌卡賺現金回贈」
重點來了，每月只可以用信用卡增值 $1,000 嘅 PayMe，到底用邊張信用卡賺最多現金回贈呢？
如果你每日搭車有用開 Citi 八達通信用卡，咁一定要用曬佢嚟每月增值 PayMe $1,000，因為呢張卡本身要每月碌夠 $3,000 先會有 15% 車費回贈！
然後最抵嘅就係渣打 Simply Cash Visa 卡，增值 PayMe $1,000 可以賺返 1.5% 即係每月可以白賺 $15，好過冇啦！
經 LookerSan 申請Citi 八達通信用卡同渣打 Simply Cash Visa 卡都會有額外回贈，如果未有可以經我申請返！唔係先再考慮用其他信用卡增值 PayMe 啦！
| 信用卡 | 現金回贈 |
|---|---|
| 渣打 Simply Cash Visa 卡* | 1.5% |
| Citi Cash Back 信用卡 | 1% |
| Citi 八達通信用卡* | 0.5% |
| Citi Clear Card | 0.4% |
| Citi HKTVmall 信用卡 | 0.4% |
| DBS Eminent Card | 1% |
| DBS COMPASS VISA | 0.4% |
| 大新 ONE+ 信用卡 | 0.5% |
| * 經 LookerSan 申請有額外回贈 |
PayMe信用卡增值大法—第二式「碌卡套現賺利息」
每個月頭揀啱信用卡增值 PayMe $1,000，跟手就可以即刻由 PayMe 過返落銀行，變相可以每月零息碌卡套現 $1,000！
咁套現左嘅呢 $1,000 可以用來做咩呢？精明理財嘅角度嚟講，絕對唔建議大家就咁洗左佢，因為其實最尾你都係要找卡數，所以切記呢 $1,000 唔係賺返嚟嘅錢，只係間接由信用卡套現所得，只係唔需要利息咁解！
既然係咁，我地當然就要諗下點樣可以無風無險，又可以好好利用手上呢筆遲早要還嘅 $1,000！
最好嘅方法就係張筆錢放入銀行錢滾錢賺息：
- 如果你有供開樓，放落 Mortgage Link 高息戶口；或
- 放落虛擬銀行賺息，年利率高達 3.6%